Холивудскиот актер Џони Деп вчера беше одликуван со Златен медал за заслуги на Република Србија, за неговиот исклучителен придонес во областа на културата. Тој го доби овој медал по повод Денот на државноста, а лично му го врачи српскиот претседател, Александар Вучиќ, пренесоа српските медиуми.
Ова е навистина несекојдневен момент за мене и многу сум горд. Почитуван господине претседателе, народе на Република Србија, уметници, продуценти. Пред многу години бев благословен кога запознав еден необичен човек. Штом го видов, знаев дека не припаѓа во Холивуд. Неговото име е Емир Кустурица. Кустурица ми стана брат, неговото семејство стана мое, ги гледав неговите деца како растат. Тоа беше врска што ја создадовме од првиот ден кога се запознавме. Кога те сака, тој навистина те сака, а кога не те сака, навистина не те сака, вака Деп го почна својот говор.
View this post on Instagram
Актерот во својот говор нагласи дека од Србија добивал само подароци.
Овде не добив ништо освен подароци. Емир ми подари сосема нов живот. Сега сум на почеток на еден нов живот и ми се допаѓа овој почеток. Би сакал тој почеток да биде во Србија, ако ме сакате, се разбира, истакна тој.