Во овој бран на коронавирусот, матичните лекари со полни раце работа. Во изминатава недела во тетовскиот регион во просек се регистираат по 50-тина нови случаи дневно. Докторите велат дека за среќа омикронот дава полесна клиничка слика, поради што најчесто пациентите се третираат амбулантски.
И на Инфективното одделение во тетовската Клиничка болница само вчера 80 лица побарале медицински преглед или контрола. Хоспитализирани се 14 пациенти со Ковид-19 и сите се на кислородна поддршка.
На Инфективното одделение во гостиварската болница, пак, се хоспитализирани 20 лица. И таму зголемен е бројот на амбулантските прегледи.
Продолжуваат апелите на лекарите дека вакцинацијата останува најдобра заштита , особено од хоспитализација и смрт.
Во тетовскиот регион заклучно вчера има 381 активни случаи на ковид 19, додека во гостиварско таа бројка изнесува 229.
Данијела Билбилоска