Основното училиште „Лазо Ангеловски“ во Ново Лисиче денеска доби нов в.д. директор откако на претходниот Перо Арсеновски му истече мандатот. Изборот на градоначалникот Тимчо Муцунски е Магдалена Петреска која во училиштерто работи повеќе од 15 години.
Арсеновски уште во ноември минатата година распиша конкурс за директор на училиштето, на кој самиот се пријави, а училишниот одбор одлучи во негова корист и ги елеиминираше останатите двајца кандидати. Но, градоначалникот Муцунски одби да го именува, тврдејќи дека поради низата скандали Арсеновски не е соодветен избор.
Арсеновски има скандалозно досие со напади и вознемирување на вработени и мајки на ученици за кои има и судски пресуди кои по истекот на законскиот временски рок ги има избришано од неговото досие, но сепак фигурираат во судската евиденција.