Околу 70 милиони Американци беа погодени од „историска“ снежна бура во североисточниот дел на САД. Снежната покривка за само еден ден достигна висина од 40 сантиметри.
Снегот го покри и култниот Бруклински мост во Њујорк, еден од најстарите висечки мостови.
Владите на Њујорк и Њу Џерси прогласија вонредна состојба, предупредија на можен прекин на електричната енергија и апелираа до граѓаните да не патуваат денеска.
Поради снежната бура откажани се повеќе од 5.000 летови, а проблеми има и во копнениот сообраќај.
Предупредување за снежната бура е издадено во 10 американски држави. Метеоролозите најавуваат дека врнежите ќе почнат да слабеат во текот на ноќта.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.