Burning (2018), Јужна Кореја
Режија: Ли Чанг-Донг (Lee Chang-dong)
Улоги: Ју Ах-Ин (Yoo Ah-in), Стивен Јеун (Steven Yeun), Јеон Јонг-Сео (Jeon Jong-Seo).
Kритичарите од FIPRESCI на филмот му ја доделија наградата за најдобар филм на канскиот фестивал во 2018-та година. “Burning” е првиот корејски филм кој успеа да влезе на скратената 9-филмска листа за Оскар за најдобар странски филм во 2019-та. Наредната година „Паразит“ од Кореја ги освои најважните оскари во филмските категории.
Доставувачот Јонгсу е излезен на работа кога налетува на Хаеми, девојка која некогаш живеела во неговото соседство. Таа прашува дали би му пречело да се грижи за нејзината мачка додека таа е отсутна затоа што ќе патува во Африка. На враќање на аеродром, Хаеми му претставува на Јонгсу енигматичен млад човек по име Бен, кого го запознала за време на нејзиното патување. Еден ден Бен му кажува на Јонгсу за неговото најнеобично хоби кое е поврзано со палење опасен оган.