Деветнаесетгодишен крадец оперирал во куќи во Скопје – за три дена извршил три кражби

Полициски службеници од СВР Скопје вчера го лишиле од слобода А.И. (19) од Скопје поради основано сомнение дека е сторител на три кривични дела. Приведениот ги признал делата и по документирање на случаите против него ќе биде поднесена соодветна пријава.

Како што информираат од Министерството за внатрешни работи, едно кривично дело „кражба“ е извршено на 27.11 во куќа на улица „Баница“, а две дела „тешка кражба во обид“ на 25.11 во куќа на улица „Наум Охридски“ и во куќа на улица „Борис Канчевски“ во Скопје.