Кривичниот совет при Основниот Кривичен суд Скопје постапувајќи по предлог на Основното јавно обвинителство за гонење организиран криминал и корупција за определување мерка притвор за обвинетиот Миле Јанакиески донесе решение со кое предлогот се одбива како неоснован.
Имено, Апелациониот суд Скопје на обвинетиот му ја укина мерката куќен притвор, определена за предметот во јавноста познат како „ТНТ“ и му определи мерки за претпазливост.
Обвинителството денеска поднесе предлог за определување мерка притвор за предметот поврзан со настаните од 27 – ми април, а Кривичниот совет, при одлучувањето, ја имаше во предвид одлуката на второстепениот суд а воедно смета и дека во новиот предлог не беа понудени доволно аргументи кои ќе го поткрепат определувањето на построги мерки од они кои веќе опстојуваат против обвинетиот.