Пандемијата целосно ги промени животните навики кај граѓаните, но остави и сериозни последици по менталното здравје, покажуваат научните истражувања на научните работници од Битола, направени во изминатите речиси две години живот со Ковид-19.
Младите и здравствените работници беа меѓу најпогодените категории, едните поради целосна промена на стилот на живеење, другите поради зголемениот обем на работа, исцерпеност, но и притисокот од јавноста во оваа здравствена криза. Сето тоа влијаше различно кај различни типови на личности, велат експертите.
Повеќе трпеа екстровертните, затоа што нивниот начин на живеење, во комуникација, активности, овие услови го спречија тоа. Тие беа во една понеповолна положба, за разлика од интровертните, кои и онака црпат повеќе енергијата кога се сами, кога размислуваат, вели проф. Д–р Сашо Кочанковски, психолог.
Дел од населението во пандемијата конзумираше храна повеќе од обично, а поради намалената физичка активност, голем проценст се соочија со проблемот на дебелината.
Мислам дека е очигледно дека кај поголем дел од попуалцијата се јави прекумерна тежина, поради прекумерната количина на храна. Затоа што бевме огрничени во движењето и секој за да ја смири таа паника и неровоза посегнувше по храна, па дел од популацијата не се хранеше здраво, вели проф. Д–р Невена Груевска.
Едно истражување пак покажа дека за време на пандемијата, од анкетирани 33 научни работници, поголемиот дел одговориле дека напишаа по 2 до 3 научни трудови.
Емилија Мислириевска