Градоначалниците во земјава се затворени за граѓаните за тоа како ги трошат нивните пари, а слабо ги прифаќаат и нивните барања – покажува индексот на отворени општини на Здружението за анализи и истражувања ЗМАИ. Просечната оценка за отвореноста на сите 80 општини во земјава, плус Град Скопје се движи од 21 до 40.
Највисока оценка на идексот за отвореност има општина Богданци 63, а две општини се со оценка нула- тие се целосно затворени за граѓаните во буџетскиот процес.
За учесниците на дебатата за „Подобрување на процесите на локално буџетирање“ клучно е граѓаните да бидат вклучени во процесот на планира и трошење на нивните пари. Велат тоа е клуч да порасне демократијата во нив.
Анализите покажале и дека 70 проценти од општините во земјава не користат социјални мрежи за да ги информиораат граѓаните за буџетскиот процес, а дури 90 проценти од нив, немаат ниту објави за некакви анкети активности кои ги спровеле за граѓаните.
Александра Филиповска