18 годишната девојка која завчера почина на пат до Битолската болница е мајка на 6 неделно бебе. Таа се породи минатиот месец, но засега не се познати причините за смртта на младата жена.
Според информации на Телма, во саботата нагло и се влошила здравствена состојба, па со возило од населбата Баир во Битола била пренесена во Клиничката болница, но починала пред да и се укаже лекарска помош.
Во одделението за Ургентна медицина женатa била донесена од друго лице, а лекар само констатирал смрт.
Од полицијата во Битола потврдија дека кај 18 годишната родилка нема траги на насилство. По наредба на јавен обвинител телото е предадено на обдукција, по што треба да се утврдат причините за смртта.
Емилија Мисирлиевски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.