Влошување на состојбата со аерозагадувањето очекуваат експертите со почетокот на грејната сезона во Тетово. Повеќе од половина од населението се грее на фосилни горива, дрва, пелети и јаглен, а за зголемување на концентрацијата на штетните честитки во воздухот придонесуваат и сообраќајот и индустријата, вели доктор Ратко Давидовски, специјалист по хигиена и здравствена екологија. Тој потенцира дека комбинацијата со новиот бран на коронавирусот, кој се очекува, ќе резултура со оптеретување на јавното здравје.
Екоактивистите повторно алармираат и бараат посериозен пристап на институциите за справување со загадувањето на воздухот
Тетово секоја година е на врвот на листата на најзагадени градови, особено во зимските месеци. Податоците за квалитетот на воздухот говорат дека вредностите на ПМ 10 честичките веќе започнале да растат уште во втората половина на минатиот месец.
Данијела Билбилоска
