Дваесет и пет минути по полноќ во Србија е почувствуван земјотрес, а според податоците на веб-страницата на Републичкиот сеизмолошки завод, земјотресот бил со јачина од 4,1 степени според Рихтеровата скала, со епицентар на неколку километри од Крагуевац.
Европско-медитеранскиот сеизмолошки центар регистрираше земјотрес со јачина од 4,4 степени според Рихтеровата скала кај Крагуевац.
-Наеднаш после полноќ почнаа да се тресат вратите и прозорците, убаво се затресе, изјави Љилана Б. од Крагуевац.
Земјотресот е почувствуван и во Краљево, но и во Белград.
Директорот на Републичкиот сеизмолошки завод, Бранко Драгичевиќ, изјави дека утрово во 5.18 часот е регистриран последователен земјотрес со јачина од 2 степени, кој е регистриран само со инструменти, а не можел да се почувствува.
Пред четири дена, со епицентар недалеку од Младеновац, беа почувствувани неколку земјотреси, од кои најсилниот беше со јачина од 3,7 степени според Рихтеровата скала.