Кривичниот суд во Скопје денеска ја донесе истата пресуда за Ангела Ѓорѓиевска, обвинета за помагање во убиството на Пино Секундо, јавува новинарката на Телма Билјана Николовска од судот.
Судот и пресуди 19 години затвор што е истата казна како во првата пресуда претходно укината од Апелациониот суд.
Ѓорѓиевска е обвинета за помагање во извршување на убиството кое го извршил Али Фуркан кој е во бегство.
Тој со пушка го застрелал во главата Пино во присуство на Ангела која помогнала безживотното тело да го внесат во автомобил, а подоцна и да го закопаат во атарот на селото Љуботен. Пино со месеци се водеше како исчезнат, а потоа беа најдено остатоци од неговото тело.
Мајката на убиениот Пино Секондо, Маја Трпковска со месеци бараше надлежните да го пронајдат момчето.