Четворица пациенти од источниот регион ја загубија битката со коронавирусот во штипската модуларна болница. Станува збор за пациенти на возраст од 66 до 89 години. Пациентите кои се лекуваат во модуларната болница доаѓаат во тешка состојба, од 38 пациенти во неа само четворица не се на постојана кислорона поддршка, останатите се борат за здив.
Штипската Клиничка болница се справува со напливот на пациенти, олеснување на здравствениот кадар, но и подобри услови за лекување на пациентите ќе има во реконструираната зграда на Инфективното одделение, каде се поставува новиот противпожарен систем.
Кон крајот на неделата се очекува да се стави во функцијата зградата на Инфективното одделение, во којашто ќе се врати и одделот за Неврологија со десет болнички кревети. Во првата фаза на реконструкцијата е опфатена замената на прозорците, фасадата, централен довод за кислород и противпожарен систем, а планирана е и втора фаза, реконструкција во внатрешноста на објектот, но за неа ќе се почека да се обезбедат пари и да заврши пандемијата.
Викторија Димитрова Јованова