Нема притвор во Шутка за осудените функционери за организација на упадот во Собранието, туку домашен притвор и забрана за комуникација

Судечкиот совет одлучи сите 4-ца функционери да останат во домашен притвор откако се осудени во првостепена судска постапка како организатори на упадот во Собранието на 27-ми април 2017-та година, јавува репортерот на Телма Билјана Николовска од скопскиот кривичен суд.

Осудените Трајко Вељановски, Миле Јанакиески, Спиро Ристевски и Владимир Атанасовски не смеат да комуницираат по телефон со никој и смеат да одржуваат комуникација само со домашните, одлучи судот кој не го прифати барањето на обвинителството осудените да бидат во затворски притвор.

Вкупно 25 години затвор за функционерите за организација на 27-ми април, за Вељановски, Јанакиески, Ристевски и Атанасовски се бара притвор

Претходно 4-цата функционери беа осудени на казни затвор меѓу 6 и 6,5 години затвор, а поранешниот спикер Трајко Вељановски доби најголема казна од 6 години и 6 месеци затвор.