Уверена сум дека иднината на Западен Балкан е во вистински обединета Европа, порача германската канцеларка ангела Меркел во своето видео обраќање по повод виртуалниот Самит на Берлинскиот процес, кој почнува в понеделник, а чиј донаќин е Германија.
Таа истакна дека има уште многу предизвици на Западен Балкан, дека недовербата и национализмот се уште постојат, а билатералните спорови можат во секој момент да се разгорат, поради што е неопходно помирување. Како што истакнува Меркел, тоа значи справување со минатото и преземање на се што е можно за идните генерации да живеат во мир.
Западен Балкан е непосреден сосед на ЕУ. Тој е дел од Европа, каде раните од војната уште не се заздравени, а и во Германија живеат голем број граѓани кои се по потекло од тој простор. Мене ми е јасно дека државите на ЕУ мораат да имаат интерес за мирен развој на Западниот Балкан. Имаме одговорност практично да се заложиме за развој на тој дел на Еврпа – Ангела Меркел, канцеларка на Германија.
Германската канцеларка истакна дека Берлинскиот процес кој постои од 2014 веќе постигна некои успеси, како што е и неодамнешното формирање на Младинскиот форум. Па сега конечнмо е возможно она што се сметаше за невозможно, а тоае размена на ученици од различни вери и етникуми. „Тоа е придонес кон мирот“, истакнува Меркел, инфраструктурните проекти, научната соработка и меѓусебото признавање на дипломите, тоа води кон надминување на предрасудите.
Сето тоа земјите од Западен Балкан ги води кон напредок кон заедничката цел – исполнување на условите за членство во ЕУ. Убедена сум дека, порано или подоцна нивната иднина навистина ќе биде во обединета Европа – Ангела Меркел, канцеларка на Германија.
Воспоставувањето на Берлинскиот процес има за цел да се пружи конкретен придонес кон стабилноста во регионот и мирниот дијалог, кој досега постигна многу.
Билјана Ставрова