Јавна седница за случајот Рекет во апелациониот суд е во тек. Се расправа за жалбите на досудените казни на осудениот Бојан Јовановски, познат како Боки 13, и за поранешната специјална јавна обвинителка Катица Јанева, која од здравствени причини не се појави во судницата.
Одбраната на Јовановски, бара ослободителна пресуда или ново судење.
Според адвокатот Дуковски пресудата се базира само врз сведочење на Камчеви, Орце и Ана и на доказите кои тие ги дале односно снимките. А токму тие имаа интерес Боки 13 да е осуден заедно со Катица Јанева. А на снимкоте ништо не се гледа, пари раце и торба која ако се види добро како да е празна, вели Дуковски. Додава дека трипати барале, но не добиле вештачење на телефоните. Не се знае ниту каде се парите, а Камчев бил претсатвен само како сведок кој е оштетен, објаснува одбраната на Јовановски. За случајот „Рекет“ Јанева доби седум, а Јовановски девет години затвор.