Претседателот Стево Пендаровски в петок ќе има средба со претседателот на опозициската ВМРО-ДПМНЕ, Христијан Мицкоски, брифираат извори од партијата.
Средбата е договорена за време на денешниот телефонски разговор, на барање на Мицкоски.
Според најавите, на средбата в петок ќе се разговара за актуелната политичко-економска ситуација во државата, но и за изјавата на Пендаровски за настаните од 27 април и дека луѓето кои влегле тогаш во Собранието не се терористи.
Во телефонскиот разговор денеска Пендаровски и Мицкоски заклучиле дека е потребно да има дијалог.
Инаку Мицкоски и ВМРО-ДПМНЕ пред неколку месеци прекинаа секаква комуникација со Пендаровски.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.