И Тетово се подготвува за процесот на имунизација. На самиот почеток ќе им два пункта во градот за вакцинација против ковид 19, едниот ќе биде во Здравствениот дом, а другиот во Монопол, а според потребите ќе бидат отворени и во руралните средини. Од Здравствениот дом велат дека ресорното министерство веќе направило скенирање на капацитетите, а медицинскиот персонал поминал и соодветна обука.
Тетовци покажуваат интерес за вакцинација.
Речиси 70 % од медицинскиот персонал во Тетово се пријавиле за вакцинација веднаш, додека матичните лекари ги добиле списоците со лица над 70 години.
Инаку, Тетово е веднаш после скопскиот регион во однос на бројот на здравствени осигуреници.
Данијела Билбилоска
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.