Процедурите се запазени а лекраските тимови направуиле се што можеле за да ги спасат животите на родилката и на најезиното бебе, соопштија од ГАК. Сепак внатрешна контрола ќе го испита целиот случај истото го најавија и од Државниот здравствен инспекторат.
Четириесетгодишна родилка од Скопје, која вчера почина на клиниката, дошла во петокот на редовна контрола и испитување. Лекарите имале некои сомневања околу Це- Те- Ге тестот и побарале од неа да поседи кратко време надвор за да може повторно да ја испитаат. Но, таа заминала дома, а попат почнале компликациите.
Родилката била тестирана за присуство на коронавирус и откако резултатите биле негативни, лекарите веднаш одлучиле да извршат царски рез и да го извадат плодот кој веќе бил мртов.
Според Стојчевски, пореметувањето во коагулацијата било клучно и поради тоа лекарите не можеле да го спречат крварењето. Тој лично ја проверил целата документација и разговарал со двата тима и смета дека тие сториле се што можеле за да го спасат нејзиниот живот.
Она што збунува е фактот што семејството го подигнало телото на починатата без да биде направена обдукција, а тоа го потврдија и од Државниот здравствен инспекторат.
Внатрешна комисија на ГАК ќе направи котрола на случајот, а тоа го најави и Државниот здравствен инспекторат кои ќе испитуваат дали лекарите ги запазиле сите протоколи и дали животот на родилката можел да биде спасен.
Огнен Чанчаревиќ