Министрите од Бугарската социјалистичка партија го напуштија последниот состанок на владата кога почна да се расправа за прашањето за набавка на втората серија од осум американски воени авиони F-16 Block 70 (Ф-16 блок 70.
Корнелија Нинова коментира дека таа и другите тројца и колеги министри од Бугарската социјалистичка партија го напуштиле владиниот состанок затоа што денеска дознале за понудата добиена за втората серија од осум воени авиони Ф-16 Блок 70, како и за напредокот на разговорите меѓу бугарските власти и американската корпорација Марти Локхид. Според вицепремиерката и лидер на бугарските социјалисти, Корнелија Нинова, овој разговор и одлуки сега се штетни за Бугарија. Според неа, Бугарија е во неколку кризи – економска, социјална, како и недостиг на визија за тоа што ќе се случува во наредните месеци. Дискусијата за каква било форма на нови инвестициски трошења, од која било големина, за осум нови F-16 е апсолутно неприфатлива, додаде таа.
Министерот за одбрана Драгомир Заков на брифинг во владината зграда во Софија коментираше дека очигледно не постои начин да се одобрат во рамките на оваа влада трошоците за купување на новите 8 американски авиони, кои ќе формираат комплет од цела воена воздушна ескадрила од 16 авиони за Бугарија. Овој проект ќе биде оставен на преодната влада, коментира Заков.
Понудата за купување на новите осум авиони веќе пристигна во Софија, а бугарското воено воздухопловство врши анализа на документите. Тој изрази надеж дека останува политичката волја да се заврши набавката на втората серија американски борбени авиони, бидејќи тоа е важно за бугарското воздухопловство и за бугарската армија воопшто.
