Жоао Гомес Кравињо, шефот на дипломатијата на Португалија , денес е на официјална посета на Република Северна Македонија, на покана на неговиот колега министерот за надворешни работи Бујар Османи.
Целта на средбата е да бидат разменети мислења за евроинтегративниот процес на земјава, за билатералните односи и за перспективите за нивното натамошно унапредување, со посебен осврт на економските релации и можностите за нивно зајакнување.
Предвидено е двајцата министри да одржат тет-а-тет средба, ќе следи пленарен состанок меѓу делегациите на двете земји, а потоа и заедничка прес – конференција на Османи и Кравињо.
Португалскиот министер за надворешни работи ќе биде примен и од претседателот Стево Пендаровски, а ќе има одделни средби и со претседателот на Владата, Димитар Ковачевски и со вицепремиерот задолжен за европски прашања, Бојан Маричиќ.
