Израел и арапските земји, кои ја споделуваат неговата загриженост за Иран, мора да ги зајакнат своите воени сили под покровителство на Вашингтон, изјави израелскиот министер за одбрана пред посетата на американскиот претседател на регионот, пренесе Ројтерс.
Турнејата на Џо Бајден од 13 до 16 јули ќе ги вклучи Израел, Палестина и Саудиска Арабија, изјави американски претставник. Според саудиската државна телевизија, Бајден ќе присуствува на самит со лидерите на земјите од Персискиот залив, Египет, Јордан и Ирак. Нуклеарната програма на Иран и досега неплодните меѓународни преговори за заживување на договорот од 2015 година, што го ограничува, се меѓу прашањата кои најверојатно ќе бидат на дневен ред.
Во својот говор, министерот за одбрана Бени Ганц ги истакна безбедносните врски на неговата земја со арапските земји од Заливот, кои се зближија со Израел за време на дипломатската кампања предводена од САД во 2020 година, како и со Египет и Јордан, дека има напори за проширување на оваа соработка.
„Соочени со иранската милитантност…она што е потребна не е само соработка, туку и зголемување на регионалните сили предводени од САД кои ќе ги зајакнат сите земји“, рече Ганц во официјалниот записник.
„Постојано работиме на ова прашање, во име на безбедноста на граѓаните на Израел“, додаде министерот.
Саудиска Арабија ја сигнализира својата поддршка за т.н Договорите на Абрахам според кои Обединетите Арапски Емирати и Бахреин воспоставија односи со Израел пред две години. Но Ријад досега официјално не го призна Израел. Израел изрази подготвеност да соработува воено со своите нови партнери од Заливот, кои јавно беа повоздржани во врска со таквата перспектива. За време на настанот вечерва, Бенет рече дека Израел „нема да се двоуми да ја активира својата моќ ширум светот за да ги заштити своите граѓани“, алудирајќи на, како што рече Израел, закана од обидите на Иран да убие или киднапира израелски туристи. „Израелските безбедносни сили прават се што е можно за да спречат такви напади и да ги спречат оние кои испраќаат терористи, како и организаторите на испраќачите“, рече Бенет.