Извршниот комитет на ВМРО-ДПМНЕ одлучи да го прифати предлогот на лидерот на лидерот на партијата Мицкоски и најави дека ќе започне активна блокада на Собранието по 10 мај.
Потпретседателот на партијата, Александар Николовски, кој ја соопшти одлуката на ИК повика на мобилизација и активизам од граѓаните, а соопшти и дека седницата на Извршниот комитет на партијата продолжува и најави дека вечерва ќе бидат донесени и други одлуки.
Сметаме дека животот во национална катастрофа за жал станува секојдневие, ваквата позиција ја донесе токму оваа Влада и тоа ни дава обврска да одговориме на истата. Ваквиот чекор е реакција на акциите на власта. Токму на седницата на извршниот комитет донесовме заклучок за активна блокада на Собранието, што подразбира блокада на сите штетни закони што доаѓаат од ДУИ и СДСМ. Блокадата ќе стапи на сила во 10 мај, а дотогаш ДУИ И СДСМ да размислат и да се отвори за дијалог и да прифатат лидерска средба. Топката е сега кај СДСМ и ДУИ, да седнеме на лидерска средба и да го дефинираме датумот за лидерска средба, изјави Николовски.
Според него, блокадата ќе трае се дури не се постигне договор за предвремени парламентарни избори.