Во своето последно јавно обраќање, украинскиот претседател Володимир Зеленски рече дека стотици цивили биле убиени, мачени и егзекутирани во Буча, а телата останале на улиците. Тој повтори дека областа е минирана, а дури и телата на загинатите се минирани.
„Концентрираното зло ја посети нашата земја. Убијци, извршители, силувачи и разбојници кои се нарекуваат војска. А кои заслужуваат само смрт по тоа што го направиле“, рече тој.
Тој рече дека сака мајките на секој руски војник да ги види телата на убиените во Буча, Ирпин и Хостомел. Се прашуваше што направиле овие луѓе и зошто биле убиени. Тој, исто така, се запрашал што направил маж кој бил убиен додека возел велосипед на улица, зошто обичните цивили биле мачени до смрт, зошто жените биле давени откако им ги ваделе обетките од ушите и како жените можеле да бидат силувани и убиени пред нивните деца.
Во својот говор тој дополнително ја обвини Русија за воени злосторства и ги повика Ангела Меркел и Никола Саркози да го посетат Буча „за да видат до што доведе политиката на отстапки кон Русија во изминатите 14 години“.
Зеленски рече дека Украина ќе победи во оваа војна.