Кражбата се случила меѓу неделата и вторникот (03.-05.10.) кога во 14 часот била известена полицијата.
Полицијата соопшти дека непознат сторител на сила влегол во фабриката „11-ти Октомври- Еурокомпозит“ и однел неколку парчиња оружје, како и други предмети.
Отворена е истрага, а не е прецизирано каков тип на оружје е украдено.
Еурокомпозит е наменска фабрика за производство на борбена и специјализирана заштитна опрема како штитови, шлемови и слично, но последните неколку години се соочува со проблеми, долгови, блокирана сметка.
Повеќе пати работниците на протести бараа исплата на заостанати плати и придонеси и решавање на проблемите на фабриката која е во државна сопственост и не функционира.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.