Во рамките на годинешното издание на манифестацијата „Скопско лето“ вечерва во Музејот на град Скопје во 20 часот и 30 минути ќе биде отворена мултимедијалната изложба „Трага во времето“.
Изложбата претставува емотивно и документарно сведоштво за десетгодишниот развој на Националниот џез оркестар. Преку автентични фотографии, архивски материјали и приказни, посетителите ќе имаат можност да проследат дел од патот исполнет со творечка посветеност, значајни соработки и незаборавни музички моменти.
Во поставката се опфатени дела од фотографките Татјана Ранташа и Маја Аргакијева.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.