Соединетите Американски Држави извршија воздушни напади врз повеќе од 80 цели во Иран, откако три нафтени танкери беа погодени во Ормускиот Теснец. Според американската Централна команда, нападнати биле повеќе од 60 пловила на Иранската револуционерна гарда, како и ракетни позиции и командни центри.
Иранските власти објавија дека удари имало на островот Кешм, како и во Бандар Абас и Сирик, при што има повредени лица од шрапнели.
Техеран ги осуди американските напади, оценувајќи ги како прекршување на неодамна потпишаниот меморандум меѓу двете земји и најави „решителни мерки“ за заштита на националните интереси. И покрај новата ескалација, американски претставници најавија дека дипломатските разговори со Техеран ќе продолжат.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.