Жителите на Тетово кои живеат околу стариот градски стадион ги алармираат институциите дека цела измината недела крави и коњи се движат во тој дел од градот.
Присуството на крупни животни на фреквентни градски улици може да биде ризично за предизвикување на сообраќајни незгоди.
„Неколку дена се движат овие животни во овој дел од градот. Не знаеме чии се, од каде се и каде одат. Предупредуваме дека нивното неконтролирано движење претставува опасност пред сè за сообраќајот бидејќи малку треба да дојде до судир со нив или ако некое возило сака да ги избегне може да удри во друго возило па и во пешаци. Кравите и коњите навлегуваат во дворовите и прават штета. Во потрага по храна растураат и оставен отпад покрај контејнерите“, изјавија за Телма жителите.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.