Новоизбраниот десничарски претседател на Полска, Карол Навроцки, денеска официјално ја презема функцијата, што може да означи почеток на нов период на тензии со проевропската влада на премиерот Доналд Туск.
Навроцки, 42-годишен историчар поддржан од опозициската партија Право и правда, победи на изборите во јуни, поразувајќи го либералниот градоначалник на Варшава, Рафал Тржасковски.
Со преземањето на функцијата од Анджеј Дуда, Навроцки станува врховен командант на армијата и добива право на вето на закони донесени од парламентот – овластувања кои може значително да ја отежнат работата на владата.
Тој веќе најави „силен отпор“ на политиките на премиерот.
Инаугурацијата се одржува во Националното собрание во Варшава и е закажана за 10 часот по локално време.
Политичките аналитичари предупредуваат дека односите меѓу претседателот и владата ќе бидат клучни за политичката стабилност на Полска во наредните години.