Европската Комисија (ЕК) го пропушти рокот за жалба на пресудата на Општиот суд на Европската Унија (ЕУ) во случајот за размена на пораки на претседателката Урсула фон дер Лајен и извршниот директор на „Фајзер“, Алберт Бурла за време на пандемијата на ковид-19. Со тоа, пресудата од мај станува правосилна.
Судот тогаш заклучи дека ЕК не дала задоволително објаснување зошто пораките што ги разменувале Фон дер Лајен и Бурла не содржат информации кои би морале да бидат сочувани, односнослужбено регистрирани.
Случајот, кој во медиумите е познат како „Фајзергејт“, почна по интервјуто на Фон дер Лајен за „Њујорк Тајмс“ во 2021 година, во кое откри дека разменувала СМС пораки со првиот човекна „Фајзер“ во пресретна договорот од повеќе милијарди за набавка на ваквини меѓу ЕУ и фармацевтската компанија. Медиумите бараа пристап до пораките, Комисијата не ги достави.
Поради одбивањето на ЕК, изби скандал кој приврзаниците за транспарентност го искористија како пример за недостаток на одговорност во работата на Комисијата под водство на Урсула фон дер Лајен. Истовремено, противниците на вакцините го користеа случајот како аргумент во ширењето на сомнежи во легитимноста на процесот за набавка на вакцини.
