Патници во авион на „Туркиш Ерлајнс“ беа евакуирани преку тобоган, набрзо по слетување во крајбрежно летувалиште на југот на Турција. Евакуацијата била спроведена поради чад во опремата за слетување, полетување и стабилно движење на земја.
Чад почнал да се појавува додека Боингот, кој полетал од Истанбул, се движел по пистата на аеродромот во Анталија. Тимовите за итни интервенции препорачаа евакуација како мерка на претпазливост за осигурување на безбедноста на патниците, потврди портпаролот на компанијата, Јахја Устун.
🚨TK2430 sefer sayılı İstanbul–Antalya seferini yapan
THY’nin Boeing 777 tipi uçağının Antalya’ya inişinin ardından taksi sırasında iniş takımlarında duman görülmesi üzerine yolcular slide’lar aracılığıyla tahliye edildi.#turkishairlines #antalya #tahliye pic.twitter.com/3HR7lzE7KM— Airkule (@Airkule) July 29, 2025
Не е прецизирано колку патници и членови на екипажот имало во моментот во авионот, но потврдено е дека инцидентот минал без повредени лица.
„Првичниот преглед на авионот покажа дека чадот е последица на дефект на хидраулична цевка“, додаде Устун.