Седум пожари се активни на отворен простор заклучно со 21:00 часот, од вкупно 38 во текот на денешниот ден, информира Центарот за управување со кризи.
Под контрола се четири пожари, а 27 се изгаснати.
ЦУК соопшти дека се активни пожарите во Општина Чучер Сандево помеѓу с.Блаце и с.Горњани, м.в.Рамна шума каде гори шумски пожар, во Општина Прилеп кај с.Бешиште, м.в.Бешишки Рид приземен во мешана шума, во Општина Македонски Брод помеѓу с.Црешнево и с.Локвица гори деградирана дабова шума и грмушки, во Општина Македонски Брод кај с.Крапа гори нискостеблеста шума, во Општина Дојран кај с.Николич гори нискостеблеста шума, во Општина Чашка под Солунска глава, помеѓу местата викани Изворите на Бабуна и Бабина дупка, каде нема активен пламен, само чад во карпест дел гори шумски пожар и во Општина Тетово кај бензинска пумпа Окта Петрол гори нива.
Под контрола се ставени пожарите во Општина Македонски Брод кај с.Рамне – с.Ковче каде гореше ниска вегетација, проширен од фабриката Самоков, во Општина Македонски Брод 2 кај с.Слатина гореше мешана шума, во Општина Македонски Брод 3 кај с.Слатина гореше гори нискостеблеста мешана шума и во Општина Делчево кај градска депонија Острец каде гореше депонија.Изгаснати се 27 пожари.
