Собранието денеска треба да ја констатира оставката на министерот за здравство Арбен Таравари, кој се повлече од владината коалиција и реши да настапи на локалните избори со својата Алијанса за Албанците. А премиерот допрва ќе преговара кој би бил негов наследник.
Синоќа и заменик министерот за земјоделство, шумарство и водостопанство, Флакрон Беџети си поднесе оставка од функцијата. Оставката ја најави преку својот профил на Фејсбул.
„Денеска поднесов неотповиклива оставка од функцијата заменик-министер за земјоделство. Тоа беше 10-месечен период на посветеност и одговорност за да се служи оваа функција во корист на земјоделците и сите други што ги претставува ова Министерство. Верувам дека со достоинство, транспарентност, сериозност и гордост, придонесов на оваа позиција, колку и да е малку, за општото добро“, напиша Беџети кој на крајот на објавата се заблагодарува на премиерот и на колегите од министерството.