Претседателот на Европскиот Совет Антонио Кошта е во посета на Скопје. Тој се сретна со премиерот Христијан Мицкоски, а на прес конференцијата, Кошта порача дека веќе нема простор за нешто друго и треба да се работи на испорака на зафатеното. Кошта ги потенцираше напорите и реформските зафати на Владата.
Мицкоски нагласи дека договореното од страна на претходната влада на СДСМ и ДУИ било направено со суспендирање на парламентот, и дека Бугарија не ги исполнува своите обврски.
И Кошта е Мицкоски наведоа дека патот кон ЕУ има фрустрирачки напори. На прашањето за гаранции дека нема да има нови бугарски барања, Кошта и премиерот Мицкоски со одговор:
„Кога прашувате за каков вид на гаранција имаме, јасно е она што е договорено – е договорено и немаме веќе за што друго да се договораме. Сега треба да го испорачаме она што сме договориле и нема простор да се бара нешто повеќе“ изјави Антонио Кошта, претседател на Европскиот Совет.
„Г-динот Кошта го пренесе ставот на ЕУ. Предлог од 2022-ра година потпишан и прифатен од претходната влада на СДСМ и ДУИ, така што се суспендираше парламентот, за да се случи промена на Устав потребни се две третини. И знаете на каков начин се прифати тоа што се прифати. Нашиот став е јасен и принципиелен, ние тоа не можеме да го прифатиме. Без да видиме добра волја и испорака од соседната страна. Не можеме ние да менуваме Устав по кој знае кој пат, а без да имаме јасна порака и јасна испорака од другата страна, а тое е бугарската страна“ рече премиерот Христијан Мицкоски.