Српскиот претседател Александар Вучиќ попладнево е примен на Воено – медицинската академија во Белград, објавуваат тамошните медиуми. Претходно на Вучиќ ненадејно му се слошило за време на посетата на Соединетите Американски Држави, по што побарал медицинска помош и по прегледот одлучил да се врати во Србија.
Во моментот кога му се влошила здравствената состојба, Вучиќ се подготвувал за следните средби во САД, пишува Радио-телевизија Србија. Регионалниот сервис на Радио Слободна Европа пишува дека пред заминувањето за САД, Вучиќ изјавил дека за време на посетата ќе има две средби со американскиот претседател Доналд Трамп.
Според претходните најави, по посетата на САД, Вучиќ треба да отпатува во Москва за да го одбележи Денот на победата над фашизмот на 9 мај.