Согласно новиот Правилник, од денеска сите мали, средни и големи трговци што вршат малопродажба се обврзани секојдневно да ги објавуваат цените на своите производи на своите веб-страници, преку јасно означен дел „Ценовник“.
Цените мора да бидат достапни без најава или регистрација, а ажурирањето да се врши до 10 часот секој ден.
Стопанската комора на трговци побара продолжување на роковите, укажувајќи дека дел од малите трговци сè уште се соочуваат со технички, кадровски и финансиски предизвици за спроведување на оваа мерка..
Надлежните пак изразија очекување дека нема да има потешкотии во спроведувањето на мерката и посочија дека доколку биде констатирана грешка на трговецот ќе му биде даден рок од 24 часа истата да ја отстрани.
Оваа обврска не се однесува на микротрговци кои имаа обрт на средства под 50 илјади евра годишно.