Тошковски: Сите во МВР се изненадени, кога гледаат дека некој криминалец се прикривал со униформа

Се истражуваат и актуелни началници и полицајци за потенцијална одговорност за трагичниот пожар во Кочани, но истрагата е во рацете на јавното обвинителство и не смее да се претвори во линчување, одговори министерот за внатрешни работи Панле Тошковски на прашањата на Телма зошто не е постапувано по полициска проблемска информација од ноември 2022-ра со која се барало одземање на лиценцата на кабарето „Пулс“.

За случајот со притворениот припадник на обезбедувањето на премиерот Мицкоски, министерот вели дека по случајот се постапува и ќе се утврдат сите околности на пробивот кој го направил велешкиот полицаец Самараков.