Со извици „Скопје бара превоз“, „Данела оди си“, и пароли „Ние сме бројка само за избори“, „Нови автобуси во Шуто Оризари“, жителите на скопската општина го кренаа гласот поради недостигот на јавен градски превоз.
Ситуацијата кулминираа пред влезот на градската администрација, кога дел од граѓаните побараа градоначалничката Данела Арсовска да излезе, да се соочи со нив и да преземе одговорност.
Чекање на автобуските постојки со часови, жителите гневни велат „отсечени сме од градот и соочени сме со откази од работа.“
Градоначалник Курто Дудуш ситуацијата ја оцени како дискриминаторска и побара веднаш да се реши проблемот, во спротивно рече секоја недела ќе протестираме.
Рековте неумесно е граѓаните на Скопје да останат без јавен превоз еден ден поради недостаток од нафта. Според вас, која е замената за зборот неумесно за граѓаните на Шуто Оризари кои 730 дена немаат пристап до јавен превоз. Јас би рекол зборот е расистички. Расистички, дискриминаторски и нехумано е да оставите 40.000 граѓани без јавен превоз, рече Дудуш.
На протестот се придружија и група студенти и средношколци, но нив ги чекаше посебна порака.
Тие со транспаренти и барања до градските власти да набават нови автобуси и да изградат проодни велосипедски патеки.
Од Град Скопје преку соопштение обвинија за партизација. Велат дека на протестот имало членови на ВМРО-ДПМНЕ, а токму нивната советничка група одбива веќе неколку пати да ја изгласа потребата од набавка на нови еко автобуси.
Течат седумте дена по вчерашната одлука на владата автобусите на ЈСП да возат со нафта од државните резерви, што ќе се случува потоа засега е неизвесно.
Симона Петровска