Три и пол месеци по најавените реформи и спојување на двете тајни служби- Агенцијата за разузнавање и агенцијата за национална безбедност, во една, нема никаква информација за процесот. Од владата, за КОД одговорија дека поради чувствителноста процесот е државна тајна, но наскоро ќе биде информирана јавноста за детали од предлогот за измени.
Во меѓувреме, се појавија гласини и информации дека меѓу другите, реформите за спојување на тајните служби, ги прават и функционери и разузнавачи кои беа на функции кога се случи злоупотребата со масовното нелегално прислушување. КОД ги проверуваше овие наводи.
Во КОД вечерва и за надзорот врз тајните служби и прислушувањето и како власта спротивно на законот доби мнозинство во собраниската надзорна комисија за надзор на следењето на комуникации. Дали една тајна служба е подобра од две и кои се искуствата од регионот. КОД е по вечерните вести на Телма. во 19:15 (недела 13.10.2024.).