Од скопското обвинителство досега не одлуечиле дали ќе гонат некој и дали има кривично дело во хаваријата на системот за компримиран воздух во хируршките сали на Клинички центар. Се преземаат сите дејствија откако случајот го пријави министерот за здравство Илир Демири.
-Се преземаат сите дејствија потребни за да се проверат наводите во поднесоците од аспект на тоа дали има обележја на некое кривично дело, ни одговорија од обвинителството.
Повеќе од три недели хируршките сали на Клинички не функционираат откако преку системот за воздух се ширеше непријатен мирис. Илјадници операции се откажани, а итните случаи се оперираат во другите скопски болници.
Ангажирана е и германска фирма за да утврди за што станува збор, но досега нема информации дали е откриена причината за хаваријата. Демири тврдеше дека околностите го навеле да се сомнева во саботажа.
Вчера ДКСК утврди дека министерот Демири незаконски ги сменил директорите на Кардиохирургија и на Токсилогија. Демири го пријави и Марјан Шокаровски од Кардиохирургија во обвинителството за случувањата на Клиниката и извештај за зголемена смртност, Од обвинителството на прашањата на Телма ни одговорија дека и за таа пријава проверуваат дали има обележја на кривично дело.