Огромни пламени на хоризонтот над северниот дел од Појасот Газа. Израел продолжи со уште еден бран напади во едномесечното немилосрдно бомбардирање по ненадејниот упад на милитантите на Хамас во Израел.
Министерството за здравство под контрола на Хамас соопшти дека над 10.300 Палестинци се убиени но се верува дека иан 2.300 тела на цивили се под урнатините од разорното бомбардирање.
Според нив најголем број од жртвите или две третини се жени и малолетни лица. Околу 70% од населението ги напуштија своите домови, а повеќе од 700.000 од нив спас побараа во училиштата на ОН кои се претворени во засолништа.
Цивилите во Газа се потпираат на мала помош и на сопствената дневна потрага по храна и вода од залихите кои се намалија по неколкунеделната опсада.
Милитантите на Хамас убија 1.400 луѓе за време на нивното дивеење во јужен Израел што беше причина за отпочнување на големите воени операции на израаелската војска.