Кошаркарите на Бостон славеа со 119-106 против Атланта и максимално го искористија домашниот терен во првата плејоф рунда во НБА-лигата. Џејсон Тејтум ги предводеше Селтикс со 29 поени и 10 скока, додека Дерик Вајт имаше 26 поени. Кај Хоукс, најмногу се истакнаа Дежонте Мареј со 29 поени и Тре Јанг со 24.
Феникс не дозволи и второ изненадување на домашен паркет и го совлада тимот на Лос Анџелес клиперс со 123-109 и тоа најмногу благодарение на Девин Букер, кој постигна 38 поени. Санс сега израмнија на 1-1, но следните два натпревари од серијата се играат во Лос Анџелес.
И Кливленд успеа да израмни на 1-1 откако го совлада Њујорк на домашен паркет со 107-90. Дариус Гарланд постигна 32 поени, а Карис Леверт имаше 24 за Кавалирс. Џулиус Рендл со 22 поени беше најефикасен кај Никс.