Двојно па и тројно поскапо од увозната цена се продавале видовите на овошје и зеленчук кои Владата денеска со одлука ги ограничи на максимални цени по кои ќе може да се продаваат до крајот на овој месец, покажуваат анализите на Царинската Управа и минстесртвото за економија.
Вкупно единаесет продукти се во одлуката на Владата а цените по кои ќе се продаваат овие продукти ќе се движат од 55 до 110 денари.
Одлуката стапува на сила од среда кога и максималните цени на лимоните и потрокалите ќе се ограничат на 55 денари, кромидот и мандарините до 60 денари, патлиџанот, карфиолот и бананите ќе се продаваат до 70 денари за килограм, краставиците и гравот до 75 денари, зелените пиперки до 90 денари и леќата чија максимална цена до 31 април е ограничена до 110 денари за килограм.
Министерот Бектеши вели дека во новите цени е вкалкулирана маржа од 40 отсто како и расходот на трговците т.н. „кало“.
Овошје и зеленчук ќе има на рафтовите и на пазарите и нема опсаност од запирање на испорака, дециден е министерот.
Пазарните инспектори ќе продолжат со контроли кај трговците и во маркетите но и на пазарите каде може да се соочат со проблеми бидејќи закупците на тезги, релиси и да не издаваат фискални сметки или пак не ги истакнуваат цените.
Дел од трговците кои беа откриени дека продаваат продукти по цени повисоки од оние во владините одлуки не ги платиле казни и за нив е поведена судска постапка.
Досега Владата ги замрзна цените или постави максимални цени за продажба на белиот и полубелиот леб, дел од млечните производи и тестенините, домашните јајца и ориз како и на дел од хигиенските производи.
Огнен Чанчаревиќ
Над 2,5 милиони денари казни за непочитување на „замрзнатите“ цени