Едно лице го загубило животот во пожар што синоќа избил во два магацина во круг на фабрика на подрачјето на општина Гази Баба во Скопје.
Пожарот бил пријавен на 13 декември во 21:29 часот, по што на терен интервенирала Бригадата за противпожарна заштита на Град Скопје и истиот бил изгаснат.
При увидот извршен денеска, 14 декември, во еден од магацините што бил изнајмен, било пронајдено опожарено тело на машко лице. Од МВР информираат дека истрагата е во тек.
– На 13.12.2025 во 21:29 часот во СВР Скопје е пријавено дека во круг на фабрика на подрачјето на Гази Баба во Скопје настанал пожар на два магацини, сопственост на М.Р.(46), кои ги изнајмил на други лица. Од екипа на Бригадата за противпожарна заштита Скопје пожарот е изгаснат. Денеска (14.12.2025), за време на вршење на увидот, во еден од објектите, кој под наем го користи М.А. од Скопје, пронајдено е опожарено тело на машко лице. Се преземаат мерки за расчистување на случајот, информираат од МВР.
