На почетокот на судењето за трагедијата во „Пулс”, претседателката на судскиот совет во процесот, Диана Груевска Илиевска им се обрати на присутните од кои побара дисциплина и почитување на правилата во судница, за ефикасно одвивање на процесот. Таа порача и дека никој не знае колку ќе трае ова судење.
„Никој не знае колку ќе трае овој процес, може пет месеци, може пет години, ќе направиме се судењето да тече непречено, не можеме да ви гарантираме брзина, бидејќи секоја брзина може да значи грешка“, рече судијката Диана Груевски Илиевска на денешното прво рочиште за трагедијата во Кочани, во која загинаа 63 главно млади луѓе.
„Од сите бараме голема дисциплина, ако не се почитува, ќе следува опомена или отстранување или казнување парично. Секое одлагање ќе биде проверувано и доколку е неоправдано ќе следи санкција“, порача таа.
„Знам за болката на блиските, бидејќи сите ние сме родители. Со секоја почит и за болката и за тагата ќе имаме респект, но ние сме професионалци кои ќе треба да ги испочитуваат сите права“, рече судијката Груевска Илиевска.
Кога се претставуваше, судијката Диана Груевска Илиевска посочи дека е позната, бидејќи во јавноста многу се зборувало за неа. Таа беше дел од судските постапки за избеганиот екс премиер Никола Груевски.
Обвинението за сопственикот на „Рубикон“ споено со она за „Пулс“