Бензинот Еуросупер БС-95 од ноќеска на полноќ поевтинува за 3,50 денари по литар, Еуросупер БС-98 за 4 денари, а дизелот и Екстра лесното масло за домаќинство (ЕЛ-1) за 7 денари, одлучи Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ).
Новата цена на литар Еуросупер БС-95 ќе изнесува 84 денари, литар ЕУРОСУПЕР БС-98 ќе се продава за 86 денари, дизелот за 80,50 денари за литар, а ЕЛ-1 за 79,50 денари.
Се намалува и малопродажната цена на Мазутот за 3,932 денари за килограм и новата ќе изнесува 42,291 денари за килограм.
Со одлуката на РКЕ се врши намалување на малопродажните цени на нафтените деривати во просек за 6,61 процент во однос на одлуката од 15. месецов.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.