Градоначалничката во заминување Данела Арсовска на својот „Фејсбук“ профил објави дека
директорот на Комунална хигиена – Скопје кој попладнево, пред 14 часот беше уапсен, сега е пуштен. Таа напиша дека како дополнителна информацијата која до неа пристигнала е дека тој не е виновен, дека во срцето и душата е ВЛЕН и дека потпишал изјава за членство, по што бил пуштен.
„ НАЈНОВА ВЕСТ: Директорот на Комунална хигиена Скопје е пуштен, не е виновен за ништо, работата ја вршел чесно и совесно.
Оваа информација пристигна откако по неколку часа убедување во полициска станица, директорот на Комунална хигиена им кажал дека во срцето и душата е ВЛЕН, уште додека бил во станица му донеле да потпише изјава за членство по што е пуштен да си продолжи со успешната работа во претпријатието.
Во меѓувреме Мицковски и МВРО упорно бараат некој од ДУИ да го апсат како што ветија, тргнаа по Изет Меџити од ДУИ, па откако стана ВЛЕН си го земаа во коалиција“ напиша Данела Арсовска на „Фејсбук“. 
Тea Димковска
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.