Француската влада е под притисок да воведе нови даноци за најбогатите граѓани, во обид да го стабилизира буџетот и да избегне политички колапс.
Премиерот Себастијан Лекорну разгледува мерки кои би ги таргетирале ултрабогатите, откако социјалистите и десничарите го условија со поддршка само доколку се воведе „даночна правда“.
Главна тема е предложениот „данок на Зукман“ – кој предвидува 2% данок на богатство над 100 милиони евра.
Бизнис заедницата предупредува дека ваквите мерки може да ја ослабнат конкурентноста на Франција и да доведат до одлив на капитал.
Против воведување на данокот се изјаснија индустриските лидери.
Дел од предложените алтернативи вклучуваат ограничено оданочување на финансиско богатство и попрецизни контроли врз холдинг-компаниите и семејните фирми.
Според анкетите, 85% од Французите поддржуваат оданочување на богатите, што ја става владата во позиција да избира помеѓу популистички притисок и економски ризици.
Буџетот за 2026 година треба да биде поднесен во октомври, а неговото усвојување ќе зависи од компромис околу тоа кој ќе ја сноси цената на фискалната консолидација.