Изминатите 24 часа на територијата на земјава се евидентирани вкупно 25 пожари на отворен простор, информира ЦУК. Од нив, еден е сѐ уште активен, пет се ставени под контрола, а 19 се целосно изгаснати. Активниот пожар се наоѓа во општина Долнени, во месноста Тутуница кај селото Долгаец, каде што гори ниска вегетација. Пожарите под контрола се во општините Прилеп, Гевгелија, Студеничани, Чучер Сандево и Делчево, додека најголем дел од изгаснатите се во Скопскиот регион, Штип, Кичево и други делови од државата. Надлежните служби апелираат до граѓаните да бидат внимателни и да не палат стрништа или отпад, особено во услови на високи температури и суво време, со цел да се спречат нови пожари и штети по животната средина.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.